القميص الكاروهات من القطع اللي منتشرة في موضة أي شتاء أو خريف. وهو يعتبر من الإستايلات المناسبة أوي لفصل الخريف بشكل خاص لو لبستيه لوحده أو مع قطع تانية زي الكارديجان أو الفيست وممكن تكملي بيه لفصل الشتا وفي الأيام البرد تلبسي عليه بلوفر أو بالطو.

ومتوفر منه ألوان كتير بداية من الألوان الحيوية والزاهية زي الأحمر, والأخضر, والأزرق لحد الألوان المحايدة والهادية

والميزة في القميص الكاروه أنه ممكن يتلبس كاجوال أو يتلبس رسمي.

ممكن تلبسيه بأكتر من طريقة على الجينز، أو على الجيبة، أو على فستان، ونازل منه موديلات مختلفة ما بين الموديل الضيق والواسع عشان كده هيبقى قدامك أختيار وتنويع في طريقة لبسه يعني ممكن تدخليه جوه البنطلون الجينز أو الجيبة أو ممكن تلبسي الستايل الواسع الفضفاض من بره، ممكن تلبسيه على الجينز السكيني أو البنطلونات الكلاسيك الواسعة شوية.

وفي وقت الشتاء اللي بنكون دايما محتارين فيه نلبس أيه، القميص الكاروه هيبقى مناسب جدا للوقت ده ممكن تلبسيه لوحده أو عليه كارديجان، أو تلبسي عليه فيست، وممكن تلبسي عليه بليزر، أو ممكن تلبسيه بطريقة تانية تسيبيه مفتوح وتنسقي تحته اندر شيرت يمشي معاه يعني لو مثلا لابسة كارو أحمر في أسود ممكن تلبسي تحته أندر شيرت أسود.

www.zeinastores.com