www.zeinastores.com
ستايل الطبقات أو اللايرز بيعتبر من أشيك ستايلات الشتا، لأنه كاجوال و عملى و شيك كمان، علشان تعملى ستايل زى ده. هتحتاجى قطع ملابس هتلاقيها موجودة فى دولابك زى البنطلون الجينز، الشوز أو الـ سنيكرز ، تيشيرت ، بلوفر و جاكت. وممكن تلبسي سكارف علشان تزودى الطبقات و تخلى اللوك أشيك
www.zeinastores.com

الكاب من قطع الملابس الشيك، ده غير أنه بيدفي و يعتبر أسهل لوك ممكن تنفذيه، كل اللى محتاجه تعمليه هى أنك تلبسي الجينز المفضل عندك مع بلوزة أو تيشيرت و عليهم الكاب مع شوز مناسب سواء كان شوز بكعب عالى، (سنيكرز) أو بوت.

www.zeinastores.com

السكارف ممكن يبقى تفصيلة بتضيف شياكة وجمال للوك بتاعك، جربى تلبسي سكارف مع بلوفر أو تحت جاكت و هتلاقى نفسك بتحبى اللوك جدا و كمان هيحميكى من البرد ، جربى السكارفات المنقوشة أو السادة بألوان مختلفة و أختارى اللى يناسبك أكتر.

 

www.zeinastores.com

البندانا وسكارفات الرقبة الصغيرة راجعه موضة السنة دى، جربى تلبسي بندانا على الرقبة أو تربطى سكارف صغير علشان تضيفى لمسه للوك بتاعك ويبقى على الموضة أكتر.